ვიდეო

ახალი წელი ყველასია

უკრაინელი ბლოგერის მტკიცებით, სააკაშვილი სასამართლოზე ნარკოტიკების ზემოქმედების ქვეშ იყო (ვიდეო)

Euronews-ის ეთერით საქართველოს საიმიჯო ვიდეორგოლის ჩვენება დაიწყო

ბრაინ ვილიამსის გასაოცარი რეპი

ანები

ანი დარსალია "საქართველოს ,სადაც მუდმივად ვქადაგებთ დემოკრატიულ ღირებულებებს,თავისუფლებასა და თანასწორობას,ეს ყოველივე,რომ დაიცვას ,ამ ქვეყანას ჰყავს სახალხო დამცველი?! სადაა სახალხო დამცველი ,ბატონი უჩა ნანუაშვილი? ესმის ქვეყანაში რა ხდება? ვის ჩაგრავენ და რა მიზეზით? თუ ეს მიზეზი მაინცდამაინც ჰომოსექსულების უფლებებს უნდა შეეხებოდეს?! რადგან ჩვენი ფორმალური სახალხო დამცველი თვალებს იბრმავებს და ყურებს იხშობს ,გადავწყვიტე ,მე, როგორც რიგითმა მოქალაქემ შევასმინო ქვეყანაში მიმდინარე პროცესები. ამ რამდენიმე დღის წინ მართლმადიდებელ მამაოს მანქანა დაუმტვრიეს ,თუმცა არავინ არ დაინტერესებულა ვინ და რა მიზეზით ჩაიდინა ასეთი საქციელი. რამდენიმე კვირის უკან კი მართლმადიდებელი მოძრვარი ,მამა თეოდორე გაგნიძე ილიას უნივერსიტეტში არ შეუშვეს მიუხედავად იმისა,რომ ეს იყო სტუდენტების მოთხოვნა და არანაირი კონფესიური შინაარსი არ ჰქონია ამ შეხვედრას. მიჩნდება კითხვა , საქართველოს მთავარი უფლება დაცველი, ზემოთ ხსენებულ მაგალითებში ადამიანის უფლების შელახვას ვერ ხედავს? საქართველოში მხოლოდ დედათმავლებისა დამამთმავლების უფლებებია დასაცველი?! „თავისუფალმა თაობამ “ უკვე არაერთგზის მიმართა სახალხო დამცველსა და მის აპარატს ,მაგრამ მათგან სრული იგნორირებაა ჩვენ ყოველ განცხადებაზე , მინდა კვლავ მივმართო სახალხო დამცველს და ვუთხრა ნუ იქნება მიკორძოებული ,ადამიანთა ერთი ჯგუფის ,შეხედულებებისა თუ ინტერესების გამტარებელი,ვინაიდან „თავისუფალი თაობა“ ამგვარ ქმედებაზე თვალს არ დახუჭავს და ვაფრთხილებთ,აქციების სახით არ მიუბრუნდეს ბატონ ნანუაშვილს თავისი უსამართლო საქციელი."

არჩილ გამზარდია 'პუტინი საქართველოს მტერია, მაგრამ სახელმწიფოს ლიდერისთვის მსგავსი კვალიფიკაციის მიცემა პირდაპირი საშიშორების შემცველია საქართველოსთვისაც და ევროპისთვისაც, როგორც ჩვენი საერთო საზოგადოებისა. დემაგოგიურ შეკითხვაზე: "არის თუ არა პუტინი საქართველოს მტერი", სახელმწიფოს ერთ-ერთ მთავარ აღმასრულებელს რა პასუხი უნდა გაეცა? დამისახელეთ ერთი ევროპელი ლიდერი, რომელიც "მტრის" კვალიფიკაციას აძლევს ასე მარტივად. მტერს ვაგინებ მე, მათ შორის 24 საათი, მაგრამ ხვალ რომ პრემიერი გავხდე, ჩემი პასუხისმგებლობა მნიშვნელოვნად შეიცვლება. ისე... უკრაინის პრეზიდენტს თუ აქვს მიცემული კვალიფიკაცია "მტრის" , ან ბალტიისპირეთის ქვეყნების პრეზიდენტებს? და ა.შ. ? ვინმემ დამისახელოს'

მირიან ყარაულაშვილი - მე პირადად აწი ყოველ ცისმარე დღე დავუწყებ ძებნას იმ შესაძლებლობას, რომ დღეში ერთი სერიოზული პანჩური დავარტყა კულტურული მემკვიდრეობის სააგენტოს ე.წ. დირექტორს ვინმე ნიკოლოზ ანთიძეს! თუ დამიჭერენ-დამიჭირონ! სადაც წვრილია-იქ გაწყდეს!

გამოკითხვა

ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?

ლევან კობიაშვილი მიხეილ ყაველაშვილი რევაზ არველაძე დომენტი სიჭინავა არც ერთი

ხმის მიცემა

ინვეტიციების გაზრდით ქვეყანამ უფრო მეტი სარგებელი უნდა მიიღოს

2017-12-13 19:31:15

ბექა დანელია

საქართველოში ინვესტიციების მოცულობა გაიზარდა, მაგრამ რეალური სექტორი ქვეყანაში მაინც ვერ ვითარდება. ამის მიზეზი ისაა, რომ უცხოური კაპიტალი უმეტესად ინფრასტრუქტურულ პროექტებში იდება. არადა, საწარმოო პროცესის განვითარებისთვის საჭიროა კონკრეტული დარგების წახალისება.

2017 წლის 9 თვეში საქართველოში განხორციელებულმა პირდაპირმა უცხოურმა ინვესტიციებმა ჯამურად 1.346 მლრდ აშშ დოლარი შეადგინა, რაც წინა წლის შესაბამის მაჩვენებელს 2.9%-ით აღემატება. განსაკუთრებული აღნიშვნის ღირსია რეინვესტირებული თანხა.

„საქსტატის“ მონაცემებით, მესამე კვარტალში 235.9 მილიონი დოლარის რეინვესტიცია განხორციელდა, რაც გასული წლის მაჩვენებელს 23.2 მილიონი ლარით აღემატება. 2016 წელს მესამე კვარტალში რეინვესტირებული თანხები 212.7 მილიონ დოლარს შეადგენდა. საერთოდ კი, პირველი სამი კვარტლის მონაცემებით, რეინვესტირებულმა თანხებმა 591.5 მილიონი დოლარი შეადგინა, შარშან კი ეს მაჩვენებელი 318.8 მილიონი დოლარი იყო.

ასეთი მონაცემების გამოქვეყნების შემდეგ მთავრობა კმაყოფილებას ვერ მალავდა. ფინანსთა მინისტრმა მამუკა ბახტაძემ იმ მომენტზე გაამახვილა ყურადღება, რომ წლევანდელი სამი კვარტლის სტატისტიკის თანაფარდობით, ასეთი ოდენობის პირდაპირი უცხოური ინვესტიციები საქართველოს არასდროს ჰქონია:

„მესამე კვარტალში პირდაპირმა უცხოურმა ინვესტიციებმა შარშანდელ ანალოგიურ მაჩვენებელთან შედარებით 17.6%-ით მოიმატა. მეტსაც გეტყვით, თუ ჩვენ სამი კვარტლის სტატისტიკას ავიღებთ, ასეთი მასშტაბის პირდაპირი უცხოური ინვესტიციები საქართველოს არასდროს ჰქონია. ეს კიდევ ერთხელ ნათლად მიუთითებს იმაზე, რომ საერთაშორისო სავაჭრო კონტრაქტები, რაც გაფორმდა საქართველოს მთავრობის მიერ როგორც ევროკავშირთან, ასევე ჩინეთთან, უკვე იძლევა კონკრეტულ შედეგებს. ვფიქრობ, მომავალი წელი უფრო უკეთესი იქნება ამ მიმართულებით“, - განაცხადა მამუკა ბახტაძემ.

მართალია, მესამე კვარტალში უცხოური კაპიტალდაბანდება შესამჩნევად გაიზარდა, მაგრამ 2017 წლის საერთო მაჩვენებელში ხელშესახები წინსვლა მაინც არ იქნება. ეკონომისტები ფიქრობენ, რომ ამის მიზეზი ისაა, რომ მთავრობა სტანდარტული მეთოდით აგრძელებს მუშაობას. თსუ-ს პროფესორი გიორგი ღაღანიძე კი მიიჩნევს, რომ საქართველომ უნდა მოიზიდოს ინვესტიციები დარგებში, რომლებიც იყენებენ თანამედროვე ინდუსტრიის მიმართულებებს.

„წინა ხელისუფლების დროს დამკვიდრდა და დღემდე გრძელდება ინვესტორების მოზიდვის სტანდარტული მეთოდი, როდესაც თანხის დაბანდება, ძირითადად, ინფრასტრუქტურულ პროექტებში ხდება. უნდა გადავიდეთ კონკრეტული დარგებისა და სექტორების წახალისებაზე. გარდა ამისა, არის ფაქტორები, რომელთა გამო ინვესტორთა ნაწილი განსაკუთრებით ფრთხილობს, ეს არის კონფლიქტური რეგიონები ქვეყანაში და რუსეთის ფაქტორი. თავისთავად ცხადია, ინვესტიციის განხორციელება ისეთ ქვეყანაში, რომლის დიდი ნაწილი ოკუპირებულია და რომელსაც ჰყავს აგრესიული მეზობელი, საკმაოდ სარისკოა, რადგან არ არსებობს ფიზიკური დაცვის გარანტიები“, - განაცხადა ღაღანიძემ.

საყურადღებოა, რომ პირდაპირი უცხოური ინვესტიციები მშენებლობასა და ენერგეტიკაში 2014 წლის შემდეგ მაქსიმალურ მაჩვენებელზეა. „საქსტატის“ ცნობით, მიმდინარე წლის მესამე კვარტალში მშენებლობაში ინვესტიციამ 116.2 მილიონი დოლარი შეადგინა. ბოლო წლებში ამაზე მაღალი მაჩვენებელი 2014 წლის მესამე კვარტალში იყო, როდესაც ინვესტიციამ 183 მილიონი დოლარს მიაღწია. ენერგეტიკაში კი ივლის-სექტემბერში 72,3 მილიონი დოლარი დააბანდეს. 3 წლის წინ კი ამ სექტორში 79 მილიონი დოლარი ჩაიდო, მას შემდეგ კი ამ კუთხით ინვესტიცია მუდმივად მცირდებოდა.