ანები
ანები
გამოკითხვა
ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?
ხმის მიცემა
ბავშვთა საკვებში საშიში ბაქტერია აღმოჩნდა
2017-12-13 15:46:18
ბექა დანელია
ფრანგული კომპანია „ლაქტალისის“ ბავშვთა კვების პროდუქტებში სალმონელას ბაქტერია აღმოჩნდა. ამის შედეგად რამდენიმე ქვეყანაში დაავადება გავრცელდა. ფრანგული ნაწარმი საქართველოშიც შემოდის და სააფთიაქო ქსელების მეშვეობით იყიდება. ასე რომ, რისკი მაღლია. ბავშვთა კვების პროდუქცია წესით და რიგით, ყველაზე მკაცრად უნდა კონტროლდებოდეს, თუმცა ამ მიმართულებით სახელმწიფო უწყებები ძალიან ინტერტულები არიან.
უცხოურ მედიაში ატეხილი სკანდალის შემდეგ, სოფლის მეურნეობის სამინსიტროს სურსათის ეროვნულმა სააგენტომ „ლაქტალისის“ ბავშვთა კვების პროდუქციის სამომხმარებლო ქსელიდან ამოღება დაიწყო.
„სურსათის ეროვნულმა სააგენტომ მსოფლიო ჯანდაცვის ორგანიზაციიდან მიიღო შეტყობინება საფრანგეთში წარმოებულ ბავშვთა კვების პროდუქტებში „სალმონელას“ შესაძლო არსებობის შესახებ. სურსათის ეროვნული სააგენტო მოკვლევას ატარებს. მიმდინარეობს კანონმდებლობით გათვალისწინებული ღონისძიებები და სურსათის ბაზრიდან გამოთხოვის პროცესი“, - განაცხადეს სააგენტოში.
მანამდე კი თავად ფრანგულმა კომპანიამ განაცხადა, რომ ბავშვთა კვების პროდუქციას პარტიებს უკან გაიწვევს. კომპანიამ ასეთი პროცესი მას შემდეგ დაიწყო, რაც საფრანგეთში ჩვილებში სალმონელას ბაქტერიის გავრცელების 26 შემთხვევა დაფიქსირდა.
კომპანიის პროდუქციიდან დაახლოებით 7000 ტონა სალმონელას ბაქტერიით არის ინფიცირებული. „ლაქტალისი“ მომხდარის გამო ბოდიშს იხდის და მზად არის, სალმონელათი ინფიცირებული ბავშვების ოჯახების მხარდასაჭერად.
საფრანგეთის ჯანდაცვისა და მომხმარებელთა დაცვის სააგენტოს განცხადებით, „ლაქტალისმა“ პირველი გაფრთხილება დეკემბრის დასაწყისში მიიღო, რადგან სალმონელათი დაავადებულ ბავშვებსა და კომპანიის პროდუქციას შორის კავშირი დადგინდა, თუმცა კომპანიას სათანადო ზომები მაშინ არ მიუღია.
სალმონელას ინფექცია საკმაოდ საშიში ბაქტერიაა. იგი საჭმლის მომნელებელ სისტემას აზიანებს. როგორც პედიატრი მაია აბულაშვილი „კომერსანტთან“ საუბრისას აცხადებს, სალმონელა იწვევს ღებინებას, დიარეას.
„თუ საკვებში სალმონელა აღმოჩნდა, ნამდვილად არ არის რეკომენდირებული მისი მიღება. კუჭნაწლავის აშლილობას შემდეგ უკვე ცუდი რამე მოჰყვება. ძალიან გამწვავებული ფორმა მენინგიტამდე შეიძლება მივიდეს“, - აცხადებს აბულაშვილი.
მსხვილმა ქართულმა ფარმაცევტულმა კომპანიებმა საკუთარი სააფთიაქო ქსელებიდან „ლაქტალისის“ წარმოების ბავშვთა კვების, კერძოდ „სელიას“ რძის ფხვნილის რეალიზაცია უკვე შეწყვიტეს.
კომპანია „პეესპეში“ ფრანგული ბრენდის პროდუქციაში სალმონელას ჩხირის აღმოჩენის შესახებ გუშინ დილით გაიგეს და მაშინვე შეწყვიტეს ქსელებში აღნიშნული პროდუქციის რეალიზაცია. მათ მომწოდებელს მისწერეს წერილი, რომელშიც ითხოვენ ახსნა-განმარტებას, არის თუ არა ქართულ ბაზარზე შემოსულ მათ პროდუქციაში საშიში ბაქტერია. პასუხის მიღებამდე „სელიას“ ნაწარმი მათ აფთიაქებში არ გაიყიდება.
„ავერსში“ კი ამბობენ, რომ ისინი ელოდებიან ლაბორატორიისა და მწარმოებლის წერილობით ინფორმაციას, შეიცავს თუ არა მათ მაღაზიებში არსებული „სელიას“ რძის ფხვნილი სალმონელას. მხოლოდ ამის შემდეგ მიიღებენ გადაწყვეტილებას, დააბრუნებენ პროდუქტებს რეალიზაციაში, თუ მარაგს საერთოდ ამოიღებენ სავაჭრო ობიექტებიდან.
სხვა სიახლეები
ტაივანში ძლიერი მიწისძვრის შედეგად დაშავებულთა რაოდენობამ 200-ს გადააჭარბა, 150 ადამიანი დაკარგულად ითვლება
ირაკლი ხმალაძე: თბილისის მერიას მკურნალობისა და შემდგომი რეაბილიტაციის ხარჯები არასდროს გაუმიჯნავს
„არსებობს ბევრად მარტივი გზა, ვიდრე 22 წლის ინსტიტუტის დემონტაჟი და მისი ანალოგის შექმნის მცდელობაა“
