ვიდეო

ახალი წელი ყველასია

უკრაინელი ბლოგერის მტკიცებით, სააკაშვილი სასამართლოზე ნარკოტიკების ზემოქმედების ქვეშ იყო (ვიდეო)

Euronews-ის ეთერით საქართველოს საიმიჯო ვიდეორგოლის ჩვენება დაიწყო

ბრაინ ვილიამსის გასაოცარი რეპი

ანები

ანი დარსალია "საქართველოს ,სადაც მუდმივად ვქადაგებთ დემოკრატიულ ღირებულებებს,თავისუფლებასა და თანასწორობას,ეს ყოველივე,რომ დაიცვას ,ამ ქვეყანას ჰყავს სახალხო დამცველი?! სადაა სახალხო დამცველი ,ბატონი უჩა ნანუაშვილი? ესმის ქვეყანაში რა ხდება? ვის ჩაგრავენ და რა მიზეზით? თუ ეს მიზეზი მაინცდამაინც ჰომოსექსულების უფლებებს უნდა შეეხებოდეს?! რადგან ჩვენი ფორმალური სახალხო დამცველი თვალებს იბრმავებს და ყურებს იხშობს ,გადავწყვიტე ,მე, როგორც რიგითმა მოქალაქემ შევასმინო ქვეყანაში მიმდინარე პროცესები. ამ რამდენიმე დღის წინ მართლმადიდებელ მამაოს მანქანა დაუმტვრიეს ,თუმცა არავინ არ დაინტერესებულა ვინ და რა მიზეზით ჩაიდინა ასეთი საქციელი. რამდენიმე კვირის უკან კი მართლმადიდებელი მოძრვარი ,მამა თეოდორე გაგნიძე ილიას უნივერსიტეტში არ შეუშვეს მიუხედავად იმისა,რომ ეს იყო სტუდენტების მოთხოვნა და არანაირი კონფესიური შინაარსი არ ჰქონია ამ შეხვედრას. მიჩნდება კითხვა , საქართველოს მთავარი უფლება დაცველი, ზემოთ ხსენებულ მაგალითებში ადამიანის უფლების შელახვას ვერ ხედავს? საქართველოში მხოლოდ დედათმავლებისა დამამთმავლების უფლებებია დასაცველი?! „თავისუფალმა თაობამ “ უკვე არაერთგზის მიმართა სახალხო დამცველსა და მის აპარატს ,მაგრამ მათგან სრული იგნორირებაა ჩვენ ყოველ განცხადებაზე , მინდა კვლავ მივმართო სახალხო დამცველს და ვუთხრა ნუ იქნება მიკორძოებული ,ადამიანთა ერთი ჯგუფის ,შეხედულებებისა თუ ინტერესების გამტარებელი,ვინაიდან „თავისუფალი თაობა“ ამგვარ ქმედებაზე თვალს არ დახუჭავს და ვაფრთხილებთ,აქციების სახით არ მიუბრუნდეს ბატონ ნანუაშვილს თავისი უსამართლო საქციელი."

არჩილ გამზარდია 'პუტინი საქართველოს მტერია, მაგრამ სახელმწიფოს ლიდერისთვის მსგავსი კვალიფიკაციის მიცემა პირდაპირი საშიშორების შემცველია საქართველოსთვისაც და ევროპისთვისაც, როგორც ჩვენი საერთო საზოგადოებისა. დემაგოგიურ შეკითხვაზე: "არის თუ არა პუტინი საქართველოს მტერი", სახელმწიფოს ერთ-ერთ მთავარ აღმასრულებელს რა პასუხი უნდა გაეცა? დამისახელეთ ერთი ევროპელი ლიდერი, რომელიც "მტრის" კვალიფიკაციას აძლევს ასე მარტივად. მტერს ვაგინებ მე, მათ შორის 24 საათი, მაგრამ ხვალ რომ პრემიერი გავხდე, ჩემი პასუხისმგებლობა მნიშვნელოვნად შეიცვლება. ისე... უკრაინის პრეზიდენტს თუ აქვს მიცემული კვალიფიკაცია "მტრის" , ან ბალტიისპირეთის ქვეყნების პრეზიდენტებს? და ა.შ. ? ვინმემ დამისახელოს'

მირიან ყარაულაშვილი - მე პირადად აწი ყოველ ცისმარე დღე დავუწყებ ძებნას იმ შესაძლებლობას, რომ დღეში ერთი სერიოზული პანჩური დავარტყა კულტურული მემკვიდრეობის სააგენტოს ე.წ. დირექტორს ვინმე ნიკოლოზ ანთიძეს! თუ დამიჭერენ-დამიჭირონ! სადაც წვრილია-იქ გაწყდეს!

გამოკითხვა

ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?

ლევან კობიაშვილი მიხეილ ყაველაშვილი რევაზ არველაძე დომენტი სიჭინავა არც ერთი

ხმის მიცემა

როგორ აფასებს პატრიარქის საშობაო ეპისტოლეს „ძალადობისგან დაცვის ეროვნული ქსელი“?

2015-01-08 10:39:03

ლია შელია

როგორც მოსალოდნელი იყო, საქართველოს სამოციქულო ეკლესიის ლანძღვა-გინებისთვის დაფინანსებულმა არასამთავრობოებმა  კათოლიკოს-პატრიარქის საშობაო ეპისტოლეზე ღვარძლის ნთხევის შანსი ხელიდან არ გაუშვეს. ერთ-ერთი პირველი, ვინც ოჯახის მნიშვნელობაზე მქადაგებელ ეპისტოლეს სოციალურ ქსელებში გამოეხმაურა, ლგბტ პირთა უფლებების დამცველი ორგანიზაცია „იდენტობის“ ხელმძღვანელი ირაკლი ვაჭარაძე გახლდათ. მისი შეფასებით, წლევანდელი ეპისტოლე ჰომოსექსუალებს არ ახსენებს, სამაგიეროდ, ქალების მიმართ მავნებლური ტექსტებით და ძალადობისკენ მოწოდებითაა გაჯერებული. ქართველი ქალების მდგომარეობით გულდამწვარი ვაჭარაძე ქალთა უფლებების დამცველ ორგანიზაციებს უმოქმედობაში ადანაშაულებს და საპატრიარქოსთან ბარიკადების მოწყობისკენ მოუწოდებს.

„მე რომ ქალი ვიყო, საპატრიარქო კრიტიკის ქარცეცხლში მეყოლებოდ ახლა გახვეული. ეს ორგანიზაცია პირდაპირ მოუწოდებს, ამართლებს და იდეოლოგიურად აყალიბებს ჩემი მოკვლის სისტემას. მე რომ ქალი ვიყო, ახლა ბარიკადებზე ვიდგებოდი. მოკლედ, გული მისკდება: ამდენი ასეული ქალთა ორგანიზაციაა და ყველა დუმს ან ექსკლუზიურ ფეშენ-ფემინიზმს აწვება. ქარავანი კი მიდის. წელს კიდევ რამდენ ქალს დახოცავენ?“ - აცხადებს ირაკლი ვაჭარაძე.

კათოლიკოს-პატრიარქის საშობაო ეპისტოლეს ყურადღებით წაკითხვის შემდეგ, რომელშიც ერთ-ერთი მთავარი აქცენტი ოჯახში მამაკაცის მნიშვნელობაზე კეთდება და წერია, რომ „ქმარი არის ოჯახის თავი, რადგან მას ღვთისგან დაკისრებული აქვს პასუხისმგებლობა, საჭიროებისამებრ ყოველთვის დაიცვას ცოლი და შვილები, იყოს ერთგული წინამძღოლი და მასაზრდოებელი.“ ძნელია „იდენტობის“  შეფის ადექვატურობასა და წაკითხულის სწორად გააზრების უნარში ეჭვი არ შეგეპაროს, თუმცა საკუთარ შთაბეჭდილებებზე მეტად იმ ორგანიზაციების მოსაზრებებით დავინტერესდით, რომლებსაც ვაჭარაძე ბარიკადებისკენ მოუწოდებს. „ძალადობისგან დაცვის ეროვნული ქსელი“ ოჯახური ძალადობის თემაზე მომუშავე არასამთავრობო ორგანიზაცია გახლავთ, რომელსაც მამაკაცის მიერ ქალზე განხორციელებული ძალადობის არც ერთი ფაქტი რეაგირების და შეფასების გარეშე არ დაუტოვებია. ქსელის იურისტი მანანა ფურცხვანიძე საზოგადოებას და არასამთავრობო სექტორს ეპისტოლეს სწორად აღქმასა და გააზრებას ურჩევს და აცხადებს, რომ სახელმწიფომ აღიარა პრობლემის არსებობა და არსებული ფონის შეცვლისკენ რეალური ნაბიჯების გადადგმა დაიწყო.

"წელს, ოჯახური ძალადობის შედეგად, 23 ქალის გარდაცვალების შემდეგ, ეს თემა აქტუალური გახდა, მაგრამ ეს იმას არ ნიშნავს, რომ ყველა პრობლემაზე ეკლესიისკენ გავიშვიროთ ხელი. ყველაფერს და განსაკუთრებით, ეპისტოლეებს სჭირდება  ნორმალური გაგება და სწორად აღქმა. მოვისმინე, წავიკითხე და ეპისტოლეში ვერსად აღმოვაჩინე, რომ ქალი მამაკაცის მონა უნდა იყოს. პირიქით, ქალი და მამაკაცი აბსოლუტურად თანაბარ მდგომარეობაში არიან ჩაყენებული.

სად ჩანს, რომ ეკლესია მამაკაცს ქალის ჩაგვრისა და დამცირებისკენ მოუწოდებს? იმაში, რომ მამაკაცმა ცოლზე და შვილებზე მეტი უნდა იზრუნოს, თუ იმაში, რომ მეტად უნდა გაუფრთხილდეს თავის ოჯახს? ეპისტოლე კაცს ოჯახის თავს უწოდებს და არა მბრძანებელს და მონათმფლობელს. ასეთი დამახინჯებული აღქმა დაუშვებელია. ქადაგებაში მამაკაცის მნიშვნელობაზე არანაკლებ კარგად იყო წარმოჩინებული ქალის როლი. კარგად იყო ნათქვამი, რამხელა პასუხისმგებლობა აიღეს ქალებმა საკუთარ თავზე და რამდენად კარგად ართმევენ ამ მისიას თავს. რაც შეეხება, ოჯახური ძალადობის ფაქტების მატებას, სრულიად ვეთანხმები ეპისტოლეში მოყვანილ აგრესიის მატების მიზეზებს: „აგრესია განსაკუთრებით დიდია ახალგაზრდებში და მამაკაცების გარკვეულ ნაწილში; განსაკუთრებით მათში, რომელნიც უსაქმოდ და უფუნქციოდ დარჩნენ და ოჯახის მარჩენალისა და მასზე მზრუნველის ფუნქცია დაკარგეს. ეს ტვირთი დაემატა ქალს, რამაც მისი მდგომარეობა, კიდევ უფრო დაამძიმა და ცოლსა და ქმარს შორის ფუნქციური ბალანსი სრულად დაარღვია. ეს კი იწვევს ორივე მხარის დაძაბულობასა და გაღიზიანებას. რაც, სამწუხაროდ, ზოგჯერ ქალების სიცოცხლის ხელყოფით მთავრდება.“ 

ძალიან სწორად არის გაკეთებული აქცენტი ნარკომანიასა და ალკოჰოლოზმზე დამოკიდებულებაზე, რაც ასევე აგრესიისა და ძალადობის მატების მიზეზია. ზოგადად, ოჯახური ძალადობის პრობლემა პატრიარქის საშობაო ეპისტოლემდე, სახელმწიფომ აღიარა და შინაგან საქმეთა სამინისტროში შეიქმნა ძალადობასთან ბრძოლის სტრატეგია. სერიოზული ცვლილებები შევიდა კანონმდებლობაში. ჩვენ და განათლების სამინისტრომ სკოლებში ძალადობის საწინააღმდეგო ერთობლივი კამპანია ჩავატარეთ, რომელშიც ძირითადი აქცენტი ოჯახურ ძალადობაზე გაკეთდა. კარგია, რომ სახელმწიფომ აღიარა ამ პრობლემის არსებობა და არსებული ფონის შეცვლისკენ კონკრეტული ნაბიჯების გადადგმა დაიწყო. საზოგადოებაც გაერკვა იმაში, რომ ასეთ ურთიერთობებს ოჯახში ძალადობა ქვია და ოჯახის წევრები ერთმანეთის მტრები არ უნდა იყვნენ, მაგრამ სამწუხაროდ, ოჯახური ძალადობის პრობლემა ჯერჯერობით არც ერთ ქვეყანაში ბოლომდე არ მოგვარებულა და ეკონომიკური მდგომარეობის გაუმჯობესების გარეშე, ალბათ ჩვენთანაც ძალიან გაჭირდება.