ანები
ანები
გამოკითხვა
ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?
ხმის მიცემა
„ჩვენი გზის“ მიერ ორგანიზებულ აქციაზე „თავისუფალმა თაობამ“ ერთჯერადი ნემსები და ცოცხი მიიტანა
2014-12-25 21:26:21
დეა უძილაური
დაგეგმილზე ადრე დასრულდა არასამთავრობო ორგანიზაცია „ჩვენი გზის“ მიერ თავდაცვის მინისტრის გადადგომის მოთხოვნით გამართული აქცია. მთავრობის კანცელარიასთან მიმდინარე აქციაზე დისონანსი „თავისუფალი თაობის“ გამოჩენამ შეიტანა. „თავისუფალი თაობის“ წარმომადგენლებმა აქციის ორგანიზატორებს ერთჯერადი ნემსები და ცოცხები გადასცეს და აქციის დასრულებისკენ მოუწოდეს. „თავისუფალი თაობის“ ერთ-ერთი ლიდერი ანი დარსალია აცხადებს, რომ ქართველი ხალხის მწამებლებს და მათი ინტერესების გამტარებელ ორგანიზაციებს არ მისცემენ საშუალებას, რომ მსგავსი ტიპის აქციები ატარონ და საზოგადოებას მორალი უკითხონ.
დღეს, მთავრობის კანცელარიასთან სრულიად შემთხვევით შევხვდით ნაციონალური მოძრაობის სატელიტი ორგანიზაციის „ჩვენი გზის“ მიერ თავდაცვის მინისტრის გადადგომის მოთხოვნით გამართულ დაახლოებით ათკაციან აქციას. დავინტერესდით, ვინ იყვნენ აქციის ორგანიზატორები და რას ითხოვდნენ და როცა ყველაფერი გავარკვიეთ, აქციის დაშლისკენ მოვუწოდეთ. ვფიქრობ, რომ ხელისუფლების კრიტიკის და ქვეყანაში მიმდინარე პროცესების შეფასების უფლება ყველას აქვს, ნაციონალური მოძრაობის და მისი მხარდამჭერების გარდა. ჯანსაღი კრიტიკა მისაღებია, მაგრამ გააჩნია, ვინ გაკრიტიკებს და რამდენად აქვს ამის მორალური უფლება. „ჩვენი გზის“ ნაცვლად, კანცელარიასთან რომ რომელიმე სხვა ორგანიზაცია ყოფილიყო, რომელიც ნაციონალურ მოძრაობასთან არ ასოცირდება, აქციის ჩატარების საშუალებას მივცემდით და ტერიტორიას დავტოვებდით, მაგრამ ქართველი ერის სისხლის მსმელებს და მწამებლებს, ასევე მათი ინტერესების გამტარებელ ორგანიზაციებს არ მივცემთ იმის საშუალებას, რომ მსგავსი ტიპის აქციები ატარონ და საზოგადოებას მორალი უკითხონ. მათი სურვილის მიუხედავად, „ჩვენი გზის“ წარმომადგენლებს პროვოკაციების საშუალება არ მივეცით და აქციის მიმართ ჩვენი დამოკიდებულების გამოსახატად, ერთჯერადი ნემსები და ცოცხი გადავეცით. ნემსებით სიმბოლურად გამოვხატეთ მათი თავდაცვის მინისტრის დავით კეზერაშვილის შესახებ საზოგადოებაში გავრცელებული აზრი, ხოლო ცოცხით პატიმრებისა და ჯარისკაცების წამების მოყვარული ბაჩო ახალაიას მიმართ საზოგადოების დამოკიდებულება. სასაცილოა, როცა ასეთი ადამიანები საზოგადოებას მორალს უკითხავენ და მიუთითებენ, თანამდებობებზე ვინ უნდა დაინიშნოს და ვინ მოიხსნას. რაც შეეხება ჩვენს „საჩუქრებზე“ აქციის მონაწილეთა რეაქციას, ამ ახალგაზრდებს „თავისუფალი თაობის“ დანახვაზე, პანიკის გარდა სხვა რეაქცია აღარ გააჩნიათ, ამიტომ, როგორც მოსალოდნელი იყო, წინააღმდეგობის გაწევის გარეშე დაიშალნენ. „თავისუფალი თაობა“ პირდება „ჩვენი გზის“ და ნაციონალურ მოძრაობასთან ასოცირებული სხვა ორგანიზაციების წარმომადგენლებს, რომ საზოგადოებასთან მენტორული ტონით საუბრის საშუალებას არც მომავალში მივცემთ და ყველა ასეთი მცდელობა განწირულია.
შეგახსენებთ, რომ არასამთავრობო ორგანიზაცია „ჩვენი გზის“ წარმომადგენელმა არჩილ ხარბედიამ თავდაცვის მინისტრის გადადგომის მოთხოვნით გუშინ „პრაიმტაიმის“ პრესკლუბში პრესკონფერენცია გამართა.
სხვა სიახლეები
ტაივანში ძლიერი მიწისძვრის შედეგად დაშავებულთა რაოდენობამ 200-ს გადააჭარბა, 150 ადამიანი დაკარგულად ითვლება
ირაკლი ხმალაძე: თბილისის მერიას მკურნალობისა და შემდგომი რეაბილიტაციის ხარჯები არასდროს გაუმიჯნავს
„არსებობს ბევრად მარტივი გზა, ვიდრე 22 წლის ინსტიტუტის დემონტაჟი და მისი ანალოგის შექმნის მცდელობაა“
