ვიდეო

ახალი წელი ყველასია

უკრაინელი ბლოგერის მტკიცებით, სააკაშვილი სასამართლოზე ნარკოტიკების ზემოქმედების ქვეშ იყო (ვიდეო)

Euronews-ის ეთერით საქართველოს საიმიჯო ვიდეორგოლის ჩვენება დაიწყო

ბრაინ ვილიამსის გასაოცარი რეპი

ანები

ანი დარსალია "საქართველოს ,სადაც მუდმივად ვქადაგებთ დემოკრატიულ ღირებულებებს,თავისუფლებასა და თანასწორობას,ეს ყოველივე,რომ დაიცვას ,ამ ქვეყანას ჰყავს სახალხო დამცველი?! სადაა სახალხო დამცველი ,ბატონი უჩა ნანუაშვილი? ესმის ქვეყანაში რა ხდება? ვის ჩაგრავენ და რა მიზეზით? თუ ეს მიზეზი მაინცდამაინც ჰომოსექსულების უფლებებს უნდა შეეხებოდეს?! რადგან ჩვენი ფორმალური სახალხო დამცველი თვალებს იბრმავებს და ყურებს იხშობს ,გადავწყვიტე ,მე, როგორც რიგითმა მოქალაქემ შევასმინო ქვეყანაში მიმდინარე პროცესები. ამ რამდენიმე დღის წინ მართლმადიდებელ მამაოს მანქანა დაუმტვრიეს ,თუმცა არავინ არ დაინტერესებულა ვინ და რა მიზეზით ჩაიდინა ასეთი საქციელი. რამდენიმე კვირის უკან კი მართლმადიდებელი მოძრვარი ,მამა თეოდორე გაგნიძე ილიას უნივერსიტეტში არ შეუშვეს მიუხედავად იმისა,რომ ეს იყო სტუდენტების მოთხოვნა და არანაირი კონფესიური შინაარსი არ ჰქონია ამ შეხვედრას. მიჩნდება კითხვა , საქართველოს მთავარი უფლება დაცველი, ზემოთ ხსენებულ მაგალითებში ადამიანის უფლების შელახვას ვერ ხედავს? საქართველოში მხოლოდ დედათმავლებისა დამამთმავლების უფლებებია დასაცველი?! „თავისუფალმა თაობამ “ უკვე არაერთგზის მიმართა სახალხო დამცველსა და მის აპარატს ,მაგრამ მათგან სრული იგნორირებაა ჩვენ ყოველ განცხადებაზე , მინდა კვლავ მივმართო სახალხო დამცველს და ვუთხრა ნუ იქნება მიკორძოებული ,ადამიანთა ერთი ჯგუფის ,შეხედულებებისა თუ ინტერესების გამტარებელი,ვინაიდან „თავისუფალი თაობა“ ამგვარ ქმედებაზე თვალს არ დახუჭავს და ვაფრთხილებთ,აქციების სახით არ მიუბრუნდეს ბატონ ნანუაშვილს თავისი უსამართლო საქციელი."

არჩილ გამზარდია 'პუტინი საქართველოს მტერია, მაგრამ სახელმწიფოს ლიდერისთვის მსგავსი კვალიფიკაციის მიცემა პირდაპირი საშიშორების შემცველია საქართველოსთვისაც და ევროპისთვისაც, როგორც ჩვენი საერთო საზოგადოებისა. დემაგოგიურ შეკითხვაზე: "არის თუ არა პუტინი საქართველოს მტერი", სახელმწიფოს ერთ-ერთ მთავარ აღმასრულებელს რა პასუხი უნდა გაეცა? დამისახელეთ ერთი ევროპელი ლიდერი, რომელიც "მტრის" კვალიფიკაციას აძლევს ასე მარტივად. მტერს ვაგინებ მე, მათ შორის 24 საათი, მაგრამ ხვალ რომ პრემიერი გავხდე, ჩემი პასუხისმგებლობა მნიშვნელოვნად შეიცვლება. ისე... უკრაინის პრეზიდენტს თუ აქვს მიცემული კვალიფიკაცია "მტრის" , ან ბალტიისპირეთის ქვეყნების პრეზიდენტებს? და ა.შ. ? ვინმემ დამისახელოს'

მირიან ყარაულაშვილი - მე პირადად აწი ყოველ ცისმარე დღე დავუწყებ ძებნას იმ შესაძლებლობას, რომ დღეში ერთი სერიოზული პანჩური დავარტყა კულტურული მემკვიდრეობის სააგენტოს ე.წ. დირექტორს ვინმე ნიკოლოზ ანთიძეს! თუ დამიჭერენ-დამიჭირონ! სადაც წვრილია-იქ გაწყდეს!

გამოკითხვა

ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?

ლევან კობიაშვილი მიხეილ ყაველაშვილი რევაზ არველაძე დომენტი სიჭინავა არც ერთი

ხმის მიცემა

რა საინტერესო პარალელები აღმოაჩინა გელა დოლიძემ განათლების სამინისტროს მიერ წარმოდგენილ დოკუმენტში?

2014-12-12 14:35:52

დეა უძილაური

საქართველოს განათლებისა და მეცნიერების სამინისტრომ საზოგადოებას განათლების სისტემის განვითარების გრძელვადიანი გეგმა წარუდგინა. დოკუმენტი მოიცავს განათლებისა და მეცნიერების ყველა დონეს სასკოლო განათლებიდან დაწყებული, მეცნიერებით დამთავრებული.

ზოგადი განათლების ნაწილში არსებული მდგომარეობის მიმოხილვისას, ყურადღება გამახვილებულია პრობლემებზე, რომელთა წყალობით ქართველი მოსწავლეების დონე საერთაშორისო სტანდარტებს მნიშვნელოვნად ჩამორჩება, ხოლო განათლების სისტემა ეროვნული მიზნებით დასახული შედეგების მიღწევას ვერ ახერხებს. დოკუმენტის რეკომენდაციებისა და სამომავლო გეგმების ნაწილში განიხილება დღეისთვის არსებული სასკოლო და ეროვნული საგამოცდო მოდელების გადახედვის საკითხიც.

„გადასახედია ორი მნიშვნელოვანი გამოცდის_გამოსაშვები საატესტატო გამოცდისა და ერთიანი ეროვნული გამოცდის ცალ-ცალკე არსებობა, რამდენადაც იხარჯება სახელმწიფო რესურსები ზედმეტად და არაეფექტურად. ამასთანავე არსებული მოდელები ხელს უწყობს კერძო რეპეტიტორობის მასშტატების ზრდას, რაც მძიმე ტვირთად აწვება შინამეურნეობებს და ამძაფრებს სოციალურ უთანასწორობას. დამამთავრებელ კლასში კერძო რეპეტიტორთან მოსწავლეების 57% ემზადება. მასშტაბები განსხვავებულია ცენტრსა და პერიფერიაში ისევე, როგორც მაღალშემოსავლიან და დაბალშემოსავლლიან ჯგუფებში - „წერია  დოკუმენტში.

„ქართული აკადემიის“ წევრისა და საგამოცდო სისტემებში კარგად გათვითცნობიერებული ფიზიკოსის თქმით, დოკუმენტის ეს ნაწილი სიტყვა-სიტყვით იმეორებს 2005 წელს სასკოლო გამოცდების გაუქმებასთან დაკავშირებით, განათლების იმდროინდელი მინისტრის კახა ლომაიას განმარტებას. გელა დოლიძე დარწმუნებულია, რომ  საგამოცდო სისტემების გაერთიანება თუ გამარტივება, რეპეტიტორობის ინსტიტუტს ვერ აღმოფხვრის, სამაგიეროდ, შესაძლოა, მასწავლებლის ფუნქციის დაკნინების დამატებით ბერკეტად იქცეს.

გელა დოლიძე: “სასკოლო გამოცდების გაუქმებისა და მხოლოდ ეროვნულები გამოცდების დატოვების ზუსტად ანალოგიური მოტივაცია მოვისმინეთ განათლების ყოფილი მინისტრის კახა ლომაიასგან 2005 წელს, როცა გადაწყვეტილება სისრულეში იქნა მოყვანილი. ყოფილი მინისტრი თანხასაც ასახელებდა - რეპეტიტორებში 20 მილიარდი ტრიალებს  და ამ თანხის უკონტროლოდ დატოვება არ შეიძლებაო. ასე, რომ ეს ყველაფერი უკვე ითქვა და ითქვა კახა ლომაიას მიერ.

გავიხსენოთ, რა შედეგები მოგვიტანა სასკოლო გამოცდების გაუქმებამ, თუნდაც რეპეტიტორების მიმართულებით. ჩემი აზრით, რეპეტიტორების ინსტიტუტმა  სწორედ 2005 წლის შემდეგ მიაღწია არნახულ მასშტაბებს და ის 20 მილიარდი, რომელზეც ლომაია საუბრობდა, ახლა გასამმაგებულია. ადამიანის ცხოვრებაში სკოლა, რომელიც სიმწიფის ატესტატს იძლევა, გარკვეულ ეტაპს წარმოადგენს. საატესტატო გამოცდების გაუქმება კი ნიშნავს, რომ სკოლა თავისთავად, არაფერს არ წარმოადგენს. ამ შემთხვევაში სკოლის მნიშვნელობის ნიველირება ხდება.

ზემოთქმულიდან გამომდინარე, ზომები, რომლის გატარებასაც სანიკიძის სამინისტრო აპირებს, რეპეტიტორობის ინსტიტუტს ვერ მოსპობს და შესაძლოა, პირიქით, გასაძლიეროს. დღევანდელი სამინისტრო ატარებს ზუსტად იგივე პოლიტიკას, რასაც  ლომაია ატარებდა და ეს არის ძალიან არაპროფესიული და მავნებლური პოლიტიკა. მოდელის გამარტივება არ ნიშნავს, რომ უკეთესი გამოვა, უფრო პირიქით. განათლების მიმართულებით  წარმატებული ქვეყნებში თუნდაც, იაპონიაში, ფინეთსა ან შვეიცარიაში, საკმაოდ რთული განათლების სისტემა და საგამოცდო მოდელია. ასეთი სისტემის გამარტივება ეფექტს არ იძლევა, იმიტომ, რომ ამ დროს ეცემა მთავარი ფიგურანტის- მასწავლებლის როლი. ჩვენთან  ყველაფერი გაკეთდა და კეთდება იმისთვის, რომ მასწავლებლობა ერთ-ერთი ყველაზე არაპრესტიჟული და დაჩაგრული პროფესია იყოს“.

კითხვაზე, რას ფიქრობს რამდენიმე დონიან გამოცდაზე, რომელიც სკოლის კურსდამთავრებულს საშუალებას აძლევს ერთიანი გამოცდის ფარგლებში, ვარიანტების შერჩევით, ჩააბაროს საატესტატო გამოცდა და სურვილის შემთხვევაში ეროვნული გამოცდების მოთხოვნებიც დაძლოს, გელა დოლიძე პასუხობს, რომ ანალოგიური მოდელის გამოცდები რუსეთში არსებობს, მაგრამ საკმაოდ წარუმატებელი და კორუფციული ფონის მატარებელია.

„რუსეთში არსებობს სამდონიანი სახელმწიფო გამოცდები, სადაც სასკოლო და უმაღლესში ჩასაბარებელი გამოცდების დაძლევა დონეების მიხედვით ხდება, მაგრამ ეს მაგალითად ვერ გამოდგება, რადგან ამ გამოცდებზე საშინელი კორუფცია მძვინვარებს. ძველი შეცდომების გამეორებას და  ახალი ექსპერიმენტების ჩატარებას, აჯობებს, რომ სერიოზული და კარგად ორგანიზებული საატესტატო გამოცდები ჩავატაროთ. მხოლოდ ამ შემთხვევაში დაედება სასკოლო განათლებას ფასი“ - ამბობს დოლიძე.