ვიდეო

ახალი წელი ყველასია

უკრაინელი ბლოგერის მტკიცებით, სააკაშვილი სასამართლოზე ნარკოტიკების ზემოქმედების ქვეშ იყო (ვიდეო)

Euronews-ის ეთერით საქართველოს საიმიჯო ვიდეორგოლის ჩვენება დაიწყო

ბრაინ ვილიამსის გასაოცარი რეპი

ანები

ანი დარსალია "საქართველოს ,სადაც მუდმივად ვქადაგებთ დემოკრატიულ ღირებულებებს,თავისუფლებასა და თანასწორობას,ეს ყოველივე,რომ დაიცვას ,ამ ქვეყანას ჰყავს სახალხო დამცველი?! სადაა სახალხო დამცველი ,ბატონი უჩა ნანუაშვილი? ესმის ქვეყანაში რა ხდება? ვის ჩაგრავენ და რა მიზეზით? თუ ეს მიზეზი მაინცდამაინც ჰომოსექსულების უფლებებს უნდა შეეხებოდეს?! რადგან ჩვენი ფორმალური სახალხო დამცველი თვალებს იბრმავებს და ყურებს იხშობს ,გადავწყვიტე ,მე, როგორც რიგითმა მოქალაქემ შევასმინო ქვეყანაში მიმდინარე პროცესები. ამ რამდენიმე დღის წინ მართლმადიდებელ მამაოს მანქანა დაუმტვრიეს ,თუმცა არავინ არ დაინტერესებულა ვინ და რა მიზეზით ჩაიდინა ასეთი საქციელი. რამდენიმე კვირის უკან კი მართლმადიდებელი მოძრვარი ,მამა თეოდორე გაგნიძე ილიას უნივერსიტეტში არ შეუშვეს მიუხედავად იმისა,რომ ეს იყო სტუდენტების მოთხოვნა და არანაირი კონფესიური შინაარსი არ ჰქონია ამ შეხვედრას. მიჩნდება კითხვა , საქართველოს მთავარი უფლება დაცველი, ზემოთ ხსენებულ მაგალითებში ადამიანის უფლების შელახვას ვერ ხედავს? საქართველოში მხოლოდ დედათმავლებისა დამამთმავლების უფლებებია დასაცველი?! „თავისუფალმა თაობამ “ უკვე არაერთგზის მიმართა სახალხო დამცველსა და მის აპარატს ,მაგრამ მათგან სრული იგნორირებაა ჩვენ ყოველ განცხადებაზე , მინდა კვლავ მივმართო სახალხო დამცველს და ვუთხრა ნუ იქნება მიკორძოებული ,ადამიანთა ერთი ჯგუფის ,შეხედულებებისა თუ ინტერესების გამტარებელი,ვინაიდან „თავისუფალი თაობა“ ამგვარ ქმედებაზე თვალს არ დახუჭავს და ვაფრთხილებთ,აქციების სახით არ მიუბრუნდეს ბატონ ნანუაშვილს თავისი უსამართლო საქციელი."

არჩილ გამზარდია 'პუტინი საქართველოს მტერია, მაგრამ სახელმწიფოს ლიდერისთვის მსგავსი კვალიფიკაციის მიცემა პირდაპირი საშიშორების შემცველია საქართველოსთვისაც და ევროპისთვისაც, როგორც ჩვენი საერთო საზოგადოებისა. დემაგოგიურ შეკითხვაზე: "არის თუ არა პუტინი საქართველოს მტერი", სახელმწიფოს ერთ-ერთ მთავარ აღმასრულებელს რა პასუხი უნდა გაეცა? დამისახელეთ ერთი ევროპელი ლიდერი, რომელიც "მტრის" კვალიფიკაციას აძლევს ასე მარტივად. მტერს ვაგინებ მე, მათ შორის 24 საათი, მაგრამ ხვალ რომ პრემიერი გავხდე, ჩემი პასუხისმგებლობა მნიშვნელოვნად შეიცვლება. ისე... უკრაინის პრეზიდენტს თუ აქვს მიცემული კვალიფიკაცია "მტრის" , ან ბალტიისპირეთის ქვეყნების პრეზიდენტებს? და ა.შ. ? ვინმემ დამისახელოს'

მირიან ყარაულაშვილი - მე პირადად აწი ყოველ ცისმარე დღე დავუწყებ ძებნას იმ შესაძლებლობას, რომ დღეში ერთი სერიოზული პანჩური დავარტყა კულტურული მემკვიდრეობის სააგენტოს ე.წ. დირექტორს ვინმე ნიკოლოზ ანთიძეს! თუ დამიჭერენ-დამიჭირონ! სადაც წვრილია-იქ გაწყდეს!

გამოკითხვა

ვინ მიგაჩნიათ ფეხბურთის ფედერაციის პრეზიდენტის პოსტზე საუკეთესო კანდიდატურად?

ლევან კობიაშვილი მიხეილ ყაველაშვილი რევაზ არველაძე დომენტი სიჭინავა არც ერთი

ხმის მიცემა

სააკაშვილი გირგვლიანის საქმეზე პასუხისმგებლობას იცილებს

2017-12-14 12:31:02

თამთა ქარჩავა

სანდრო გირგვლიანის საქმის ეპიზოდზე, მიხეილ სააკაშვილის სასამართლო პროცესი დაცვის მხარის დასკვნითი სიტყვით განახლდება. გირგვლიანის საქმის ეპიზოდზე, გამოძიება ყოფილ პრეზიდენტს უფლებამოსილების ბოროტად გამოყენებას ედავება. კერძოდ, საბრალდებო დასკვნის თანახმად, სააკაშვილმა გირგვლიანის მკვლელობაში მსჯავრდებული კუდ-ის ყოფილი მაღალჩინოსნები 2008 წელს შეიწყალა. მათ საპატიმროში მხოლოდ 2 წელი გაატარეს.

თუმცა, ყოფილმა პრეზიდენტმა საქართველოს სასამართლოებში მიმდინარე სანდრო გირგვლიანის საქმეზე ადვოკატები აიცილა. ამ გადაწყვეტილების საფუძველი სტრასბურგის სასამართლოს მიერ ვანო მერაბიშვილის მიმართ გამოტანილი გადაწყვეტილება გახდა. გირგვლიანის საქმეზე დაცვის მხარეს დასკვნითი სიტყვა უნდა ეთქვა, თუმცა ადვოკატებმა ბრალდებულის პოზიცია გააჟღერეს და განაცხადეს, რომ სააკაშვილი უნდობლობას უცხადებს ქართულ მართლმსაჯულებას.

სააკაშვილის ქართველი ადვოკატი დავით კაკოიშვილი აცხადებს, რომ უკრაინაში განვითარებული მოვლენების ფონზე იკვეთება ქართული და უკრაინული სამართალდამცავი უწყებების თანამშრომლობა, რათა მოხდეს მისი ექსტრადირება საქართველოში.

„როგორც უკრაინაში, ასევე საქართველოში მიხეილ სააკაშვილის მიმართ პოლიტიკური დევნა მიმდინარეობს, რაშიც სასამართლო სისტემაცაა ჩართული. ამის გამო მიხეილ სააკაშვილი უარს ამბობს, შეთანხმებით აყვანილი ადვოკატების მომსახურებაზე და მისი დაცვა სახელმწიფოს ხარჯზე მოხდება“, - აღნიშნა სასამართლო სხდომაზე დავით კაკოიშვილმა, რომელმაც სააკაშვილის პოზიციის გაჟღერების შემდეგ სასამართლო პროცესი დატოვა.

სანდრო გირგვლიანის საქმე ერთ-ერთია იმ სისხლის სამართლის საქმეებს შორის, რომელიც სააკაშვილის წინააღმდეგ არის აღძრული. სააკაშვილი ასევე ბრალდებულია პარლამენტის წევრის, ვალერი გელაშვილის ცემის საქმეზე. აღნიშნული სისხლის სამართლის საქმეზე სასამართლო განხილვა დასასრულს უახლოვდება. ამ ნაწილში სააკაშვილის ინტერესებს ადვოკატი გიორგი ჩივიაშვილი იცავს. როგორც ადვოკატი აცხადებს, სააკაშვილთან კომუნიკაცია მის დაცვასთან დაკავშირებით ამ ეტაპზე არ ჰქონია.

„ყველასთვის ცნობილია, რომ მიხეილ სააკაშვილზე ხორციელდება პოლიტიკური დევნა. იმ ფონზე, რომ სტრასბურგის სასამართლომ მიიღო გადაწყვეტილება ვანო მერაბიშვილის საქმეზე და დაადასტურა, რომ მაშინდელმა მთავარმა პროკურორმა მერაბიშვილი საკნიდან სააკაშვილზე ჩვენების მიღების მიზნით გაიყვანა, პოლიტიკური დევნა კიდევ უფრო ნათელი ხდება. მე ამ ეტაპზე ვაგრძელებ მის დაცვას სასამართლოში, თუმცა მექნება კომუნიკაცია და გადავწყვეტთ გავაგრძელებ თუ არა მისი ინტერესების დაცვას სასამართლოში მომავალშიც“, -აცხადებს გიორგი ჩივიაშვილი.

საქმის პროკურორი ირაკლი ნადარეიშვილი აცხადებს, რომ სააკაშვილის მიერ ადვოკატების აცილება, დაცვის მხარის ტაქტიკური ნაბიჯი იყო, რომელიც სასამართლო პროცესის გაჭიანურებას ემსახურება. როგორც მთავარი მბრალდებელი ამბობს, დაცვის მხარეს ადრეც არაერთხელ ჰქონდა დაფიქსირებული პოზიცია, რომ მათ სურდათ ვადაში გაწელილიყო პროცესი.

„ადვოკატის აცილებისთვის საჭირო ვერანაირი დოკუმენტი მე დღეს ვერ ვნახე, რომელიც ადასტურებს მიხეილ სააკაშვილის პოზიციას. არც საჯარო განცხადება გაუკეთებია ბრალდებულს ამაზე და არც რაიმე სატელევიზიო ინტერვიუს დროს. ჩვენ მხოლოდ ადვოკატთა სიტყვის კეთილსინდისიერებას ვეყრდნობით და არა რაიმე სახის ოფიციალურ დოკუმენტს ან ბრალდებულის ოფიციალურ განცხადებას. დაცვის მხარეს ყველანაირი საშუალება ჰქონდა, რათა მოწმეები დაეკითხა და საკუთარი მტკიცებულებები გამოეკვლია“, - აცხადებს ირაკლი ნადარეიშვილი.

სასამართლო პროცესის პარალელურად „ნაციონალური მოძრაობის“ წევრებმა სასამართლოს ეზოში საპროტესტო აქცია გამართეს. აქციის ორგანიზატორები ატკიცებენ, რომ სასამართლო პროცესებს, რომელიც მიხეილ სააკავშილის წინააღმდეგ მიმდინარეობს, სამართალთან კავშირი არ აქვს. ზაალ უდუმაშვილი აცხადებს, რომ სანდრო გირგვლიანის საქმეზე სააკაშვილის წინააღმდეგ უსამართლო პროცესები მიმდინარეობს.

„ე.წ. სასამართლოს არანაირი კავშირი არ აქვს სასამართლოსთან. მეექვსე წელია, თვალყურს ვადევნებთ იმას, თუ როგორ გადაიქცა ქართული სასამართლო „ქართული ოცნების“ სანოტარო კანტორად. მესამე პრეზიდენტის წინააღმდეგ, რომელიც ამ სახელმწიფოს სულისჩამდგმელია. უსამართლოდ მიმდინარეობს პროცესები“, - განაცხადა ზაალ უდუმაშვილმა.

„ნაციონალური მოძრაობის“ წევრი ხატია დეკანოიძე არასამთავრობო სექტორს მოუწოდებს, მონიტორინგი გაუწიონ იმ საქმეებს, რომლებიც პოლიტიკურად ანგაჟირებულია. დეკანოიძე აცხადებს, რომ ეს აქცია არის გამაფრთხილებელი ხასიათის, ვინაიდან მიხეილ სააკაშვილის მიმართ პოლიტიკური დევნა მიმდინარეობს. დეკანოიძის თქმით, სააკაშვილის დევნა უნდა შეწყდეს, წინააღმდეგ შემთხვევაში კი, ეს იქნება საქართველოს დემოკრატიისათვის დამაბრკოლებელი ფაქტორი.

„მოვუწოდებ არასამთავრობო ორგანიზაციებს, სამოქალაქო აქტივისტებს და იმ ადამიანებს, ვისთვისაც ძვირფასია საქართველოში დემოკრატიის განვითარება, რომ დიდი გულისყურით დააკვირდნენ და მონიტორინგი გაუწიონ იმ საქმეს, რომელიც პოლიტიკურად არის ანგაჟირებული და ბიძინა ივანიშვილის ხელისუფლების მიერ არის შეთითხნილი. ინტენსიური შეხვედრები გვაქვს ჩვენ საერთაშორისო პარტნიორებთან და მივაწოდეთ ყველა ის ინფორმაცია, რომელიც გვქონდა პოლიტიკურად ანგაჟირებულ საქმესთან დაკავშირებით“, - აღნიშნა ხატია დეკანოიძემ.

თავად ყოფილი პრეზიდენტი აცხადებს, რომ ბრძოლა გრძელდება, ეს შუალედური ეტაპია და ახლა ბრძოლის შემდეგი ეტაპებისთვის ემზადება. სააკაშვილს იმედი აქვს, რომ საქართველოში ექსტრადირების შემთხვევაში ხალხი უმალ გამათავისუფლებს.

„ხელისუფლებას საქართველოსთან ჩუმად მოლაპარაკება და ჩემი ექსტრადირება უნდოდა, მაგრამ საქართველოს ხელისუფლებასაც გაუჩნდებოდა პრობლემები. ხალხი მე უმალ გამათავისუფლებდა და მე პოროშენკოსთვის ათჯერ უფრო დიდი პოლიტიკური რისკ-ფაქტორი გავხდებოდი.

მე არ მაქვს იარაღი, არ მყავს „ბოევიკები“, ვინმეზე თავდასხმას არ ვაპირებ. პოროშენკოსთვის ძალიან დიდი პრობლემაა, რომ ის ვერ გაუმკლავდა ერთ ადამიანს, რომელსაც არ აქვს იარაღი, თანამდებობა ან ფული. მინდა აღვნიშნო, რომ მე და ჩემს ოჯახს ფული საერთოდ აღარ გვაქვს“, - განაცხადა მიხეილ სააკაშვილმა.

საქართველოს ექს-პრეზიდენტი და ოდესის ოლქის ექს-გუბერნატორი მომავალ გეგმებზეც საუბრობს და ამბობს, რომ უკრაინის პრეზიდენტი პეტრო პოროშენკო მას პრემიერ-მინისტრის პოსტს სთავაზობდა.

„პოროშენკო სულ მიანიშნებდა იაცენიუკს, რომ მე შემდეგი პრემიერ-მინისტრი ვარ, მაგრამ როდესაც მე ამის შესახებ გავიგე, მაშინვე ვკითხე - ნუთუ ეს მართალია? მან კი მითხრა - რატომაც არა? ამაზე მე ვუპასუხე - არა! მე მზად ვარ ავიღო პასუხისმგებლობა უკრაინის ნორმალურ მთავრობაზე. მე არასდროს ვიყრი კენჭს პრეზიდენტობაზე, არც ერთ შემთხვევაში. ჩემი აზრით, უკრაინის პრეზიდენტი უნდა იყოს უკრაინელი, რომელიც აქ დაიბადა და გაიზარდა“, - აცხადებს მიხეილ სააკაშვილი.